Sunday , January 24 2021

Turqi, lirohen 38 mijë të burgosur, s’ka vend për të burgosurit “e rinj”

Autoritetet në Turqi planifikojnë lirimin e afro 38 mijë personave nëpërmjet të ashtuquajturit “lirim i mbikëqyrur” për ta zbutur mbingarkesën në burgje për shkak të arrestimeve pas përpjekjes së dështuar për puç.

Ministri i drejtësisë i Turqisë, Bekir Bozdag, ka shkruar sot në rrjetin Twitter se është miratuar një dekret i qeverisë për lirim.

Burgjet e Turqisë aktualisht ishin të mbipopulluara edhe para goditjes së autoriteteve turke për shkak të grushtshtetit. Pas puçit të dështuar, janë arrestuar më se 35 mijë vetë, ndërsa dhjetëra mijëra të tjerë janë suspenduar nga puna e tyre.

Për puçin e dështuar autoritetet e Turqisë e fajësojnë klerikun islamik, Fethullah Gulen, i cili jeton në Shtetet e Bashkuara.

Gulen e ka hedhur poshtë çfarëdo involvimi.

Gjatë puçit të dështuar më 15 korrik, janë vrarë afro 240 persona.

Leave a Reply

Your email address will not be published. Required fields are marked *