Saturday , January 23 2021

Tri viktimat e aksidentit të djeshëm në Ferizaj, shtetas të Maqedonisë

Sipas Policisë së Kosovës, nga aksidenti trafik i ndodhur dje në Babush të Lipjanit, kishin qenë të përfshirë dy automjete: një kamion me targa vendore të cilën e drejtonte një mashkull shqiptar dhe një Peugeot me targa të Maqedonisë i cili drejtohej nga një mashkull shqiptar, shtetas i Maqedonisë, transmeton Fakte.

Siç thuhet më tej në njoftimin e Policisë, përcjell Telegrafi, dyshohet se deri te aksidenti ka ardhur nga pakujdesia e ngasësit të veturës Peugeot i cili në mënyrë të pa sigurt ka kryer veprimin e tejkalimit me ç’rast ka goditur kamionin.

“Si pasojë e aksidentit, ngasësi i veturës dhe dy pasagjere, femra shqiptare, shtetase nga Maqedonia kanë pësuar lëndime të rënda, nga të cilat kanë ndërruar jetë. Me urdhër të prokurorit, trupi i pa jetë i viktimave është dërguar në IML për obduksion, ndërsa ngasësi i kamionit është dërguar në mbajtje”, thuhet në njoftimin e Policisë. /Telegrafi

Leave a Reply

Your email address will not be published. Required fields are marked *