Sunday , October 21 2018

Thaçi në Gjenevë kërkon mbështetje për dialogun me Serbinë, thotë se s’duhet paragjykuar rezultati

Presidenti i Kosovës, Hashim Thaçi, ka marrë pjesë në “Dialogun Strategjik për Ballkanin Perëndimor – takimi i liderëve”, të organizuar nga Forumi Ekonomik Botëror në Gjenevë të Zvicrës, ku ka folur rreth nevojës për të arritur stabilitet politik, duke e vlerësuar këtë edhe si “çelës” për zhvillimin ekonomik të rajonit, percjell Fakte.

Presidenti Thaçi ka thënë se po punohet për arritjen e një marrëveshjeje paqësore me Serbinë, përmes dialogut në Bruksel.

“Stabiliteti politik prodhon edhe zhvillim ekonomik, prandaj edhe ne po punojmë për arritjen e një marrëveshjeje ndërshtetërore që stabilizon tërë rajonin tonë”, ka thënë Thaçi.

Në Forumin Ekonomik Botëror, presidenti ka thënë se është avantazh që të dyja palët janë në favor të arritjes së kësaj marrëveshjeje dhe e tërë bashkësia ndërkombëtare, SHBA-ja dhe BE-ja, e përkrahin arritjen e saj.

“Nuk duhet të paragjykohet rezultati, por të gjithë duhet të jemi unikë në përkrahje të procesit të dialogut Kosovë – Serbi”, u shpreh presidenti Thaçi.

Pjesëmarrësit në këtë takim të mbyllur i përkrahën përpjekjet për të ndërtuar stabilitet politik në Ballkanin Perëndimor, si parakusht edhe për zhvillim, tërheqje të investimeve të huaja dhe rritje ekonomike.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.