Friday , April 23 2021

Stefoski: Nuk merremi me politikë, gjuha shqipe s’ka vend në Strugë

Ndryshim rrënjësor ka ndodhur në fillim të manifestimit ndërkombëtar poetik, Mbrëmjet Strugane të Poezisë, që sivjet mbahen për të 55 herë me radhë. Në fokus të këtij evenimenti kulturor është debati për mungesën e gjuhës shqipe, e cila po refuzohet brutalisht nga organizatori, transmeton Fakte.

Sllave Gjorgje Dimoski, kryetar i Këshillit drejtues të MSP dhe drejtori Mite Stefoski i përgjitgjën pyetjeve që kanë të bëjnë me mospraninë e gjuhës shqipe dhe moskomunikimi me autoritetet vendore-komunën e Strugës, që tashmë katër vite me radhë bojkoton MSP për shkak të injorimit të gjuhës shqipe.

Lidhur me këtë, drejtori Mite Stefoski pos tjerash theksoi: “Ne nuk merremi me politikë në kulturë, por merremi me kulturë dhe nuk ka asnjë arsye racionale për bojkot nga ana e komunës së Strugës.

Arsyet pse bojkotohen MSP duhet kërkuar në komunën e Strugës dhe ne nuk kemi ngritur aq pluhur për shtyllat e flamujve që janë hequr dhe nuk dihet ku janë. MSP është manifestim që ka të bëjë me afirmimin e kulturës maqedonase”-theksoi Stefoski.

I pyetur konkretisht se cili është shkaku i bojkotit nga ana e komunës, Mite Stefoski, drejtor i MSP rrudhi krahët dhe tha: “Ate e dinë në komunë!”.

Nga komuna e Strugës katër vite me radhë bojkotojnë MSP me arsyetimin se injorohet gjuha shqipe në këto mbrëmje poetike që mbahen në qytetin ku shumica e banorëve të sajë janë shqiptar e aq më tepër që gjuha shqipe është gjuhë në përdorim zyrtar në Strugë.

Edhe neni kushtetues, Neni 7 i Kushtetutës së RM-së parasheh përdorimin e gjuhës shqipe me vetë formulimin kushtetues që thot:

“ Në Republikën e Mqedonisë, gjuhë zyrtare është gjuha maqedonase dhe shkrimi cirilik. Në Njësitë e vetëadministrimit lokal, në të cilat jetojnë shumicë pjestarët e nacionaliteteve, në përdorim zyrtar, krahas gjuhës maqedonase dhe shkrimit cirilik, është edhe gjuha dhe shkrimi që e përdorin nacionalitetet”.

Aq më tepër që Maqedonia është nënshkruese edhe e Konventës ndërkombëtare që garanton përdorimin e gjuhëve të pakicave, “Gazeta Zyrtare numër 11/97” ku mes tjerash thuhet se “garantohet e dfrejta e përdorimit të gjuhëve të nacionaliteteve në fushën private, publike, shkrimit dhe përdorimi i gjuhës pa pengesa”.

Mirëpo, në Mqedoni, dhe konkretisht në Strugë, në MSP, gjuhë zyrtare është gjuha maqedonase dhe gjuha angleze! Kjo e dyta, gjuha angleze, që është në përdorim zyrtar në Mbrëmjet Strugane të Poezisë, në asnjë nen kushtetues, në asnjë nen apo dispozitë ligjore nuk figuron, e aq më tepër që as në Maqedoni e as në Strugë, nuk jetojnë mbi 20%anglez.

Mbrëmjet Strugane të Poezisë janë politizuar tej mase dhe u kanë mbetur “peng” njerzve që nuk kanë as mundësi individuale e as institucionale ta zgjidhin dhe pikërisht për shkak të këtij “ping-pongu” në relacionin komunë e Strugës-Mbrëmje Strugane të Poezisë-Ministri-Parlament, ky manifestim ka arritur kulmin e politizimit.

Në fund vlen tëtheksohet se ndër 32 poet pjesëmarrës në këtë edicion të MSP, nga 30 vende të botës, është ftuar edhe poeti Arian Leka nga Shqipëria!/INA

Leave a Reply

Your email address will not be published. Required fields are marked *