Wednesday , August 4 2021

Shqiptarët e Malit të Zi pjesë e Qeverisë së Gjukanoviqit!

Koalicioni “Shqiptarët të vendosur”, i cili në zgjedhjet e 16 tetorit mori një vend në Parlamentin e Malit të Zi, arriti sot marrëveshje me Partinë Demokratike Socialiste të kryeministrit malazez Milo Gjukanoviq për bashkëqeverisje në Malin e Zi.

Marrëveshja u arrit pasi koalicioni shqiptar dhe Partia Demokratike Socialiste, që fitoi më shumë vota në këto zgjedhje, vendosën që qyteti i Tuzit me shumicë shqiptare në Malësi, të shpallet komunë e plotë dhe e pavarur deri në pranverë të vitit të ardhshëm.

Po ashtu u vendos që kryetari i Unionit Demokratik të Shqiptarëve, Mehmet Zenka që ishte pjesë e koalicionit, të marrë postin e ministrit të të drejtave të njeriut dhe të pakicave në Qeverinë e Mali të Zi.

Leave a Reply

Your email address will not be published. Required fields are marked *