Saturday , July 24 2021

Shfaqet video e re në gjykatë: 20 veta rrahin Selën

Në një video inçizim të siguruar nga prokuroria duken thuajse të gjithë të akuzuarit për tentim vrasje ndaj Zijadin Selës duke e shqelmuar dhe goditur me grushte Selën e shtrirë në tokë mbi bark,.
Fillimisht Selën e godasin në kokë dhe ai duket se ka humbur barazpeshën, e mban kokën me dorë. Më nuk e mbajnë këmbët, ndërsa më pas një njeri tullac e kap për krahu dhe e tërheq në turmën e tërbuar e cila menjëherë i mblidhet mbi kokë dhe e godet me sa fuqi ka, në kokë e trup. Sela është i shtrirë në tokë pa ndihmë, vetëm dëgjohet kohë pas kohe dikush që thotë lëreni njeriun, mjaftë. Personi që e kap Selën dhe jep sinjale se ku është ai duket të jetë Nikolla Vojminovski. Më parë Aleksandar Janevski Toshtas i bërtasin shokët dhe i thonë sille këtu Selën, ndërsa ai u thotë ja ku është. Por nuk e hedh Selën në turmë, ia marrin prej dore. Meqë është i kthyer në bark, Selës nuk i duket fytyra, përcjell Fakte.

Oliver Oshavkovski gjuan më tastaturë, Sasho Senkov poashtu hedh disa goditje. Duket edhe Kosta Dellov që e godet me një shqelm. Duken edhe Nikollçe Dimitrievski dhe Stojan Pavlevsk që bëjnë disa lëvizje në formë goditjeje.
Oliver Oshavkovski e godet disa herë me tastaturë Selën. Më tej në video duken edhe babë e birë Cejo dhe Kire Gjorgjievski në afërsi të Oliver Oshavkovskit të cilët poshtu godasin dhe tentojnë ti afrohen edhe më shumë Selës./Shenja

Leave a Reply

Your email address will not be published. Required fields are marked *