Tuesday , December 18 2018

Real Madridi po përgatit 224 milionë euro për Hazardin

Eden Hazard vazhdon të mbetet objektiv i gjigantit spanjoll, Real Madridit.

Kampionët aktual evropianë janë të etur për të zëvendësuar me një yll të madh, Cristiano Ronaldon, i cili kaloi te Juventusi këtë verë, percjell Fakte.

Emri më i pëlqyer dhe i lakuar nga klubi mbretëror padyshim se është ai i yllit belg, Hazard.

Sipas Daily dhe Sunday Express, Real Madridi po përgatitet të nisë një ofertë të re prej 200 milionë funtesh apo 224 milionë euro për sulmuesin e Chelseat.

Transferimi i Courtois mund ta josh edhe Hazardin (Getty Images)

Mauricio Sarri ka insistuar se skuadra e tij nuk do të shesë Hazard, por Madridi do që reprezentuesi belg të jenë zëvendësues i tyre për Ronaldon.

Ndërkohë që ata kishin një vlerësim paraprak prej 150 milionë eurosh për Hazard, zyrtarët e klubit do të takohen këtë javë për të vendosur nëse do të bëjnë një ofertë më të madhe përpara se të mbyllet afati kalimtar në La Liga më 31 gusht.

Përveç Hazardit, në listën e dëshirave të Real Madridit thuhet se janë edhe Harry Kane i Tottenhamit dhe Mauro Icardi i Interit.

Reali tashmë ka transferuar portierin Thibaut Courtois nga Chelsea dhe kjo mund të jetë një ndihmesë drejt arritjes së Hazardit. /Telegrafi

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.