Sunday , November 18 2018

Rahiq: Shqiptarët në Maqedoni do të formojnë bashkësinë e komunave, nëse dështon referendumi

Ish-deputeti i LSDM-së, Esad Rahiq ka theksuar se do të rritet pakënaqësia tek shqiptarët në Maqedoni nëse vendi do të humbasë shansin për në BE dhe NATO, percjell Fakte.

Ai në një debat në Alfa TV theksoi se në rast se dështon kjo, atëherë shqiptarët për gjashtë muaj apo më së voni dy vite do të formojnë Bashkësinë e komunave në Maqedoninë Perëndimore, të cilët do të dalin në referendum dhe do të thonë se duan të jetojnë në Maqedoni, por duke qenë pjesë e NATO dhe BE-së.

“Kjo do të ishte bashkësi e komunave. Unë nuk kërcënohem. Në vitin 2001 kam qenë në Rashce të Shkupit, derisa shumë ‘patriotë’ kishin ikur në Halkidiki. Po tentoj që të mendoj me kokë të ftohur”, ka theksuar Rahiq.
Sipas tij, pas referendumit, kryeministri Zoran Zaev do të bëj rikonstruim të Qeverisë dhe se një pjesë e ministrave të përfshirë në tenderë kriminalë do të marrin atë që meritojnë./Ina

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.