Tuesday , March 2 2021

Përleshje me armë në Hasanbeg për mish kurbani

Dy familje janë përleshur para xhamisë së fshatit Hasanbeg. Në njoftimin për media të Ministrisë për Punë të Brendshme, kacafytja thuhet të ketë ndodhur ditën e hënë rreth orës 17:15, respektivisht zënka ka filluar pasi dy familje nuk kanë arritur të merren vesh për ndarjen e mishit që ka qenë e parkuar para faltores myslimane të fshatit, transmeton Fakte. Sektori i Punëve të Brendshme, duke e shpjeguar ndodhinë, sqaron se përleshja fillimisht me grushte ka përfunduar me përdorimin e revoles me çka janë lënduar dy persona. “Policia pasi ka pranuar denoncimin, ka kryer ekspertizë në vendin e ngjarjes me çka ka gjetur një gëzhojë plumbi të kalibrit të panjohur. Mirëpo, pas pak, në rrugën ‘Hristofer Zhefarovi’, në oborrin e njërës prej shtëpive të dy familjeve janë gjetur dy persona me lëndime të lehta trupore”, thuhet në raportin e SPB-Shkup. Paraprakisht, siç thonë nga policia e Shkupit, dy persona të cilat kanë marrë pjesë në përleshje janë cilësuar si sulmues. Njëherësh, në vendin e ngjarjes ka qëndruar edhe ekipi mjekësor i Ndihmës së shpejtë, ndërsa policia ka ndërmarrë të gjitha masat për zbardhjen e rastit./Koha.mk

Leave a Reply

Your email address will not be published. Required fields are marked *