Sunday , November 18 2018

Parma kërkon sulmues, ëndërron të formojë një treshe të frikshme

Pasi arriti të marrë nga Napoli sulmuesin Roberto Inglese, Parma po punon që në dy ditët e fundit të merkatos, të sjellë edhe dy sulmues të tjerë, për të formuar një “tredhëmbësh” spektakolar.

I pari është ish sulmuesi i Romës, Gervinho, i cili aktualisht luan në kampionatin kinez, me skuadrën e Hebeit. Sulmuesi nga Bregu i Fildishtë kërkon rikthimin në Europë dhe negociatat janë goxha të avancuara, ndërsa i vetmi detaj që po diskutohet, është paga e Gervinhos.

Po në fazë të avancuar janë edhe bisedimet me Interin për të marrë në huazim talentin francez Yann Karamoh, i cili pas afrimit edhe të Keita Balde, vështirë se do të gjejë hapësira të shumta. Ideja e zikaltërve ishte që të shisnin Candrevën, por italiani nuk ka preferuar të transferohet te Monaco, e cila kishte shprehur interes.

Pikërisht për këtë arsye, po negociojnë me Karamoh që të luajë një sezon me emilianët, ku i garantohet një vend si titullar dhe do të ketë mundësi të bëjë hapin kualitativ për të qenë gati për Interin, duke filluar që nga viti i ardhshëm.

Marrëdhëniet e Parmës me skuadrën zikaltër janë mjaft të mira, pasi vetëm pak ditë më parë, 3 futbollistë të Interit, Biabiany, Dimarco dhe Bastoni, iu bashkuan emilianëve për sezonin e ardhshëm.

Ëndrra e drejtuesve të klubit të sapongjitur në Serinë A, është të formojnë një repart sulmues me Karamoh, Gervinho dhe Inglese, treshe që ofron shumë shpejtësi, energji dhe natyrisht gola të shumtë.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.