Thursday , November 15 2018

Erdogan takohet me Trumpin në Paris

Presidenti i Turqisë, Recep Tayyip Erdogan, bisedoi me presidentin amerikan, Donald Trump, në darkën e organizuar nga presidenti i Francës, Emmanuel Macron, për krerët e shteteve, qeverive dhe organizatave ndërkombëtare së bashku me bashkëshortet e tyre, raporton Anadolu Agency.

Presidenti Erdoğan dhe bashkëshortja e tij, Emine Erdogan, pasi kaluan në muzeun Orsay kanë marrë pjesë në pritjen për ekspozitën “Picasso Bleu et Rose”, gjithashtu edhe në darkën e organizuar nga presidenti Emmanuel Macron për krerët e shteteve, qeverive dhe organizatave ndërkombëtare.

Po ashtu Erdogan dhe bashkëshortja e tij, Emine Erdogan, kanë biseduar edhe me presidentin e Moldavisë, Igor Dodon dhe bashkëshorten e tij Galina Dodon.

Ndërkohë në darkën e dhënë nga Macron, presidentët Erdogan dhe Trump janë ulur pranë njëri-tjetrit dhe kanë biseduar për disa momente.

Erdogan ndodhet në Paris, me ftesë të presidentit francez, për të marrë pjesë në ceremoninë e shënimit të 100-vjetorit të përfundimit të Luftës së Parë Botërore.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.