Wednesday , September 26 2018

Çartet ambasadori i ri i Kosovës në Shkup: Dedaj fyen deputetë, kryetarë komunash e gazetarë

“Tyxharë lopësh”, pronarë kërpudhash, analistë banalistë, deputetë të turpit dhe gazetarë mercenarë i ka quajtur Gjergj Dedaj të gjithë ata që kanë kritikuar emërimin e tij ambasador.

Ambasadori i ri i Kosovës në Maqedoni, Gjergj Dedaj, tashmë ka marrë detyrën e tij. E me akomodimin e tij në Shkup, ai ka fyer të gjithë ata që ishin kundër emërimit të tij, përcjell Fakte.

“Vazhdoj ne MPJ, ne pritje te misionit te rinj, ne Shkup! Nuk po me pihet kafja, kur po degjoje çfare “burrash te kombit” po kerkojne shkarkimin tim…e spo dij se a e shofin veten ne pasqyre ata tugjare lopesh, pronare kepurdhash, (b)analist, “deputet” turpi e “gazetare” mercenare?!”, ka shkruar Dedaj në FB.

Dedaj kaloi nga pozita e zëvendësministrit të Jashtëm në ambasador, ndërsa ka pasur shumë reagime ndaj emërimit të tij për shkak të deklaratave që Dedaj ka pasur për Turqinë.

Deputetët turq të Kuvendit të Kosovës nga Grupi Parlamentar 6+  nuk e donin emërimin e tij pasi ndiheshin se u ka fyer kombi.

Edhe kryetari i Mitrovicës, Agim Bahtiri, të cilin Dedaj e përshkruan si “pronar kërpudhash”, ka dalë me letër publike ku ka kërkuar shkarkimin e ambasadorit të ri në Shkup. /Express

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.