Thursday , August 5 2021

Çair: Familja 3 anëtarëshe nuk ka bukë dhe barna, kërkon ndihmë


“Një ndihmë sociale e mar 4,200 denarë. Nuk kam unë tjetër gjë, shpirti më dhemb, e shoh nipin, nusen, po mundohet po nuk kanë çfarë të bëjnë” , tha Shaban Haxhiu.
Një mal me halle për Shaban Haxhiu nga Çairi.
Ai njërën këmbë e ka të prerë, ka probleme me zemrën, ndërsa edhe fytin nuk e ka mirë .
Jeton vetëm me nusen e djalit dhe nipin e tij të vogël.
Sevdie Haxhiu me lot në sy rrëfen për jetën e tyre skamnore dhe kushtet e vështira financiare, përcjell Fakte.

“Ka pasur ditë që nuk i kam pas as 10 denarë, me ble një bukë. Kam shkuar ose te vëllai ose tek motra kam marr pare edhe kam ble”, u shpreh Sevdie Haxhiu.

Para 7 muajve kushtet e rënda ekonomike detyruan atë që së bashku me burrin dhe djalin e vogël të kërkon azil në Belgjikë.
Shkuan atje, por burri i saj, siç tregon Sevdia, pati një zënkë me një mjekë, me çka përfundoi në burg. Ajo më pas u detyrua e vetme, me djalin e saj  të kthehet në Shkup.

“E mora burrin djalin për me u bë ma mirë.
Shkuam atje, prej azilit asgjë, na jepshin 7 euro në javë dhe diçka për të ngrënë.
Pa i bë pesë muaj burri im u lajmërua në mjek se kishte probleme me venat. Këtu nuk kishim mundësi me ba operacion, pare duhej të kemi.  01 34 Burri u fjalos tek mjeku, pas kësaj burrin e morën edhe e futën në burg”, tha Sevdie Haxhiu.

Shtëpia në të cilën jetojnë tani është e vjetër. Çatia është e çarë, ndërsa kur bie shi, uji depërton gjithandej.
Kjo familje tre antarëshe e cila ka mbetur pa të zotin e shtëpisë, kërkon ndihmë, çfarë do që të jetë, ushqim, veshmbathje, por edhe mjete  për rregullimin e shtëpisë./TV21

Leave a Reply

Your email address will not be published. Required fields are marked *