Arsenali ka fituar ndaj Chelseat me rezultat 3-0.

Topçinjtë ishin më të mirë gjatë gjithë takimit dhe kjo ishte një fitore e merituar për Topçinjtë.

Goli i parë në këtë takim erdhi në minutën e 11-të nga Alexis Sanchez, i cili shfrytëzoi një top të kthyer mbrapa nga mbrojtësi anglez, Gary Cahill.

Alexis duke e festuar golin e parë në Derbin e Londrës

Ndërsa pas tre minutash shënoi edhe Theo Walcott, i cili pas një asistimi nga Hector Bellerin shënoi në portën e Petr Cech.

Në minutën e 40-të shënoi edhe Mesut Ozil, gjermani me një vole të bukur dërgoi ekipin e tij në pushim me rezultat 3-0.

Festimi i Walcott tregon më së miri se sa i rëndësishëm goli për atë.

Në pjesën e dytë nuk kishte gola, edhe pse rastet nuk munguan, posaçërisht nga mysafirët.

Pas kësaj fitore Arsenali ngjitet në pozitën e tretë me 13-të pikë, kurse Chesea zbret në të tetën me dhjetë pikë.

Ndeshja e ardhshme e Topçinjve është ndaj Burnleyt, kurse Blutë kundër Hull Cityt. /Telegrafi

https://youtu.be/DfmUIbTM-mM