Sunday , April 18 2021

Ambasadori amerikan në Serbi: “Kriminelët e luftës s`mund të shëtisin rrugëve”

Ambasadori amerikan në Serbi, Kyle Scott ka thënë se për paqe dhe raporte të mira në rajon është e rëndësishme që të gjithë të shikojnë prapa si dhe t`i pranojnë gabimet.

Këtë deklaratë ai e bëri për televizionin N1 me ç`rast shtoi se Shtetet e Bashkuara të Amerikës kanë mbështetur krijimin e Gjykatës Speciale për krime lufte në Kosovë, transmeton Klan Kosova.

“Është e rëndësishme për paqen dhe marrëdhëniet në rajon, që të gjithë të shohin prapa dhe të pranojnë, kur ata kanë bërë diçka të gabuar,” tha ai, duke shtuar se “kriminelët e luftës nuk mund shëtisin rrugëve”.

Duke folur për dialogun mes Beogradit dhe Prishtinës, ambasadori amerikan theksoi se ky dialog është shumë i rëndësishëm për  stabilitetin e rajonit dhe për të ardhmen e Kosovës dhe  Serbisë.

“Ka pasur disa marrëveshje dhe ato duhet të përmbushen. Tani negociatat janë duke u zhvilluar lidhur me atë sesi të zbatohen marrëveshjet, ndërkaq ritmi nuk është i shpejt  dhe kjo është problem”.

Me sa e shoh unë BE-ja kërkon përparim në këto bisedime, “tha ai.

Poashtu i dërguari i Washingtonit në Beograd ka deklaruar se as Kosova nuk i ka përmbushur ato për të cilat është rënë dakord, duke iu referuar Asociacionit të komunave serbe, por sipas tij “është më mirë që Serbia t` i kushtojë vëmendje gjërave që ka premtuar dhe të bëjë gjithçka që mundet në lidhje me të, përcjellë Klan Kosova.

Leave a Reply

Your email address will not be published. Required fields are marked *