Liturgjia në Strugë në kohë pandemie, Osmani thotë se do të ketë përgjegjësi!

Edhe pse në kohë pandemie, ku vazhdimisht bëhet thirrje për shmangie të tubimeve në grupe dhe mbajtje të distancës fizike, në Strugë sot u zhvillua liturgji fetare. Besimtarë të prirë nga klerikë të kishës ortodokse, marshuan rrugëve të këtij qyteti për ceremoninë fetare.

Përmes një postimi në Facebookun e tij, zëvendëskryeministri i qeverisë së Maqedonisë së Veriut, Bujar Osmani, ka shkruar se do të ketë përgjegjësi për këtë tubim.

“Në Qytetin ku vdekshmëria nga virusi është 20% e numrit të infektuarve, kjo është papërgjegjshmëri e nivelit më të lartë. Tani më asnje masë nuk ka kuptim. Përgjegjësi do ketë!” ka shkruar shkruan Osmani në Facebook.