Tuesday , January 19 2021

Tërmeti tragjik/ Holanda dhuron 3 milionë euro për rindërtimin në Shqipëri

Holanda ka vendosur t’i dhurojë Shqipërisë 3 milionë euro për tragjedinë e 26 nëntorit.

Lajmi bëhet i ditur nga ministri i Jashtëm i Holandës, Stef Blok, i cili përmes një postimi në Twitter, shpreh mbështetjen dhe ndihmën konkrete që Holanda dhuron për rindërtimin pas tërmetit 6, 4 ballë në Shqipëri, që mori 51 jetë njerëzish dhe shkatërroi mijëra ndërtesa

“Holanda qëndron në krah të Shqipërisë pas tërmetit dhe do të dhurojë 3 milionë euro për rindërtimin”, shkruan ministri Blok.

Kujtojmë që më 17 shkurt, në Bruksel, do të zhvillohet Konferenca e Donatorëve për të ndihmuar Shqipërinë për rindërtimin, pas tërmetit të 26 nëntorit, ku do të marrin pjesë vendet anëtare të BE, partnerët e Ballkanit Perëndimor dhe përfaqësues nga vende të tjera, si dhe organizata ndërkombëtare dhe institucionet ndërkombëtare financiare, përfshirë OKB dhe Bankën Botërore.


Leave a Reply

Your email address will not be published. Required fields are marked *