Sunday , February 23 2020

Nënkryetari i LSDM-së godet partnerin shqiptar: Po mbrojnë “pobratimat” e VMRO-së (video)

Nënkryetari dhe deputeti nga radhët e LSDM-së, Muhamed Zekiri mbrëmë pas shtyrjes së seancës për ditën e sotme tha se “kjo nuk ngjan në asgjë tjetër përveç asaj që e kemi parë edhe më herët kur e shpëtoi Trajko Veljanoski nga paraburgimi Talat Xhaferi”.

Sipas asaj që ka ndodhur gjatë ditës së djeshme, Zekiri e quan këtë skenar të mirëpregatitur nga OBRM-PDUKM dhe BDI, njofton Telegrafi Maqedoni.

“Sipas kësaj që bën Talat Xhaferi i bie që BDI është kundërshtar i miratimit të Ligjit për Prokurori Publike bashkë me OBRM-PDUKM, pasi që njerëzit e tyre janë të prekur po nga ky ligj dhe duhet të dalin para drejtësisë dhe të japin llogari për atë që kanë bërë gjatë 11 viteve sa kanë qenë bashkë në pushtet”, deklaron Zekiri.

Ai në rrjetin social ‘Facebook’ shkroi se “Talati dhe BDI edhe një herë treguan fytyrën e vërtetë të tyre kriminale bashkë me ‘pobratimat’ e tyre nga OBRM-PDUKM”, shkruan Zekiri.

Zekiri quan BDI-në DUI duke shtuar tani është ripërtrirë koalicioni i krimit dhe interesit të qarqeve të caktuara brenda subjekteve të tyre./Telegrafi/

Loading...

Leave a Reply

Your email address will not be published. Required fields are marked *