Friday , November 27 2020

Ish-presidenti Moisiu: Nuk duheshin djegur mandatet, as bojkotuar zgjedhjet

Ish-presidenti i Republikës së Shqipërisë Alfred Moisiu, ka votuar në zgjedhjet për kryetar bashkie në Tiranë.

Moisiu u bëri thirrje palëve politike të reflektojnë, ndërsa e quajti të gabuar vendimin e opozitës për të djegur mandatet dhe për të bojkotuar zgjedhjet.

Moisiu ceku indirekt edhe dekretet e njëpasnjëshme të Metës duke sjellë në vëmendje edhe precedentin e vitit 2007, kur ai ishte president duke thënë se e shtyu datën e zgjedhjeve vetëm pasi i dha të drejtën Kodi Zgjedhor.

“Zgjedhjet kanë një defekt për mospjesëmarrje të opozitës tradicionale sepse opozita tjetër merr pjesë në zgjedhje edhe në Kuvend. Për mua kjo është një fatkeqësi. Nuk duhej të ndodhte, as nuk duheshin djegur mandatet dhe as nuk duheshin bojkotuar zgjedhjet. Ne çdo dy vjet kemi zgjedhjet. Isha dakord për 30 qershorin sepse moszbatimi i kësaj date do krijonte një precedent. Unë uroj që kjo situatë të zgjidhjet sa më parë. Tashmë palët politike kanë një përgjegjësi shumë të madhe. Kam bindjen se më në fund, politikanët shqiptarë duhet të ecin përpara. Në 2007 unë nuk kisha të drejtë të vlerësoja dekretin e mëparshëm pa më dhënë këtë të drejtë Kodi Zgjedhor. Vetëm pasi m’u dha kjo e drejtë nxora dekretin tjetër”, tha Moisiu.

Leave a Reply

Your email address will not be published. Required fields are marked *